Жариялау этикасы

БАСПА ЭТИКАСЫ

"Л.Н. Гумилев атындағы Еуразия ұлттық университетінің хабаршысы. Математика, Компьютерлік ғылымдар, Механика сериясы» ғылыми журналы редакторларға арналған  Баспа этикасы бойынша  (Committeeon Publication Ethics: COPE, promoting integrity in scholarly research and its publication / COPE: Committee on Publication Ethics)  комитетінің ғылыми баспалардағы этикалық принциптер қағидаларына нұсқаулықты басшылыққа ала отырып, ғылыми жарияланымдардың  дәстүрлі этикалық принциптерін ұстанады.

 

 Авторлар үшін:

Редакцияға қолжазба жіберу авторлардың баспагер, Л. Н.Гумилев атындағы Еуразия ұлттық университеті  (қабылданған жағдайда) журналда мақалаларын басып шығару және оларды кез келген шет тілінде қайта басып шығару құқығына келісімін білдіреді. Қолжазбаны редакцияға жібере отырып, автор(лар) ешкімнің авторлық құқығын бұзбағанына кепілдік береді. Авторлар журнал баспагеріне, Л.Н. Гумилев атындағы Еуразия ұлттық университетіне шектеусіз мерзімге келесі құқықтар береді:

• Журнал даналарының таралымын шектемей мақаланы (қабылданған жағдайда) қайта шығару (туындыны жариялау, қайталау, тираждау немесе өзге де көбейту) құқығы, мақаланы кез келген тәсілмен тарату құқығы. Бұндай көбейту кезінде мақаланың әрбір данасында автордың(лардың) аты-жөні қамтылатын болады;
• композициялық шығармаға қосылу құқығы;
• барша оқырман назарына жеткізу құқығы;
• Жалпы оқырман назарына тарату және жеткізу, өңдеу және жүйелеу, сондай-ақ, әртүрлі деректер базасы мен ақпараттық жүйелерге, оның ішінде жарияланған мақаланың толық мәтінді жариаланған нұсқаларына қосу түрінде мақала қолжазбасындағы метадеректерді (атауы, автордың (құқық иеленушінің) аты-жөні, аңдатпалар, библиографиялық материалдар, қолжазбаның толық мәтіні және т. б.) пайдалану құқығы.
• Авторлар мақала қолжазбасының қолдану құқығы аясының шектеусіздігіне келісім береді.
• Автор(лар) сонымен қатар журнал баспагеріне өзінің жеке деректерін (тегі, аты, әкесінің аты, білімі, жұмыс орны және атқаратын қызметі туралы мәліметтер) шектеусіз сақтау және өңдеу құқығын береді. Дербес деректер әртүрлі дерекқорлар мен ақпараттық жүйелерде сақтау және өңдеу, аналитикалық және статистикалық есептілікке қосу, қолжазба объектілері мен дербес деректер арасында негізделген байланыстарды құру және т.б. үшін беріледі.
• Автор (лар) зияткерлік меншік объектілерін, авторлық құқық объектілерін ғылыми мақалада заңсыз пайдаланғаны үшін Қазақстан Республикасының қолданыстағы заңнамасына сәйкес толық көлемде жауап береді.
• Автор (лар) журнал баспагерінің шығарманы плагиатқа тексеруге келісімін береді.
• Автор (лар) жіберілетін мақала қолжазбасы бұрын еш жерде жарияланбағанын (жіберілген тілде де, басқа тілде де), жіберілмегенін және басқа ғылыми басылымдарға жариялау үшін жіберілмейтінін растайды.
• Автор журнал туралы баспа этикасымен, журналдың редакциялық саясатымен  және авторларға арналған нұсқаулықпен танысты.

Ұсынылатын мақалаларға қойылатын талаптар. Авторлар өз қолжазбасының келесі тармақтардың барлығына сәйкес келетінін тексеруі керек:

• редакцияның талаптарына сәйкес рәсімделуі тиіс,
• мақала жөнелту кезінде оның жарияланбауы немесе басқа басылымның қарауында болмауы тиіс,
• түпнұсқа зерттеулердің нәтижелері болуы қажет,
• тек автордың/авторлық ұжымның жұмыс нәтижелерінің қамтылуы (басқа тұлғалардың қосылуына жол берілмейді). Мақала жіберілген кезде барлық авторлар осы журналдағы жарияланыммен келіседі және мақалада авторларды жариялау тәртібіне қарсы емес екені ескеріледі,
• дәйексөз тізімінде тек зерттеу барысында пайдаланылған рецензияланған дереккөздер болуы керек,
• мақалада барлық пайдаланылған дереккөздер (соның ішінде, автордың/авторлық ұжымның жұмыстары) көрсетілуі тиіс.
• Ұсынылған қолжазба (берілген тілде немесе кез келген басқа тілде) бұрын жарияланбаған және басқа журналға қарауға және жариялауға ұсынылмаған болуы міндетті;
• Қолжазба редактордың талаптарына сәйкес құрастырылған:

Ғылыми мақала  есеп қойылыының нақты берілген,  зерттеу мақсатының қажеттілігі даму бағыты аясында толық  негізделген және алынған нәтижесі толық сипатталған зерттеу қорытындысы болып табылып, жекелей немесе бірлесе келесі ақпараттарды қамтиды:

- мақала мәтінін түсінуді қамтамасыз ету үшін қажетті белгілер мен анықтамалар;

- мақала арналған мәселенің қойылымы;

- мақалада қойылған есеп осыған дейін кіммен және қашан, қандай деңгейде қандай нәтижелер алынғандығын білдіретін  сәйкес сілтемелермен қамтмасыздандырылған тарихи ақпарат;

- кез келген ғылыми жұмыстың маңызды бөлігі ретінде мақаладағы есеп қойылымының қажеттілігі мен өзектілігін негіздеу;

- мақалада қойылған мәселе шешімін нақты тұжырымдау және сипаттау;

- бұрын белгілі нәтижелер аясында мақала нәтижесінің (-лерінің) жаңалығын егжей-тегжейлі негіздеу;

- мақалада қойылған есеп шешуінің егжей-тегжейлі негіздемелермен (дәлелдермен) қамтамасыз етілуі;

• Қолжазба түпнұсқалық зерттеу нәтижелерін қамтиды;
• Қолжазба автордың/авторлар ұжымының жұмыс нәтижелерін ғана қамтиды (басқа тұлғаларды енгізуге жол берілмейді). Қолжазбаны тапсыру кезінде барлық авторлар осы журналдағы жарияланыммен келіседі және авторлардың тізімделу ретіне қарсылық білдірмейді деп болжанады;
• Қолжазба дәйексөз тізімінде тек зерттеу барысында нақты пайдаланылған рецензияланған дереккөздерді қамтиды;
• Қолжазбада барлық пайдаланылған дереккөздер (соның ішінде автордың/авторлар ұжымының шығармалары) қамтылған.

Рецензенттер үшін:

• Журналда жарияланатын мақалалардың сапасын қамтамасыз ету мақсатында екіжақты "жабық" рецензиялау рәсімі пайдаланылады. Рецензент үшін рецензиялау объектісі тек алынған зерттеулердің нәтижелері болады.
• Рецензиялауға түскен әрбір қолжазба құпия құжат ретінде қарастырылады. Рецензент өз жарияланымдарында жіберілген қолжазбадағы материалдарды пайдалана алмайды. Рецензент материалды үшінші тұлғаларға тек бас редактордың рұқсатымен ғана жібере алады,
• Рецензент редакцияға жұмыстың объективті бағасын ұсынуы керек, қажет болған жағдайда жіберілген материалды жақсарту нұсқаларын ұсына алады.
• Егер рецензент ол материал тақырыбының маманы болмаса, редакцияға хабарлап, материалды рецензиялаудан бас тартуы қажет.

Редакторлар үшін:

Бас редактор және редакция алқасының мүшелеріне келесідей міндеттемелер жүктеледі:

• мақалалардың сапалық құрамына ерекше назар аудару, мақала бойынша рецензенттердің шешімдерімен келісім (немесе келісім емес) бойынша әрқашан өзінің дәлелді шешімін айту,
• авторлардың географиялық аумағын кеңейту бойынша жұмыс жүргізу, әртүрлі ұйымдар мен елдерде жұмыс істейтін мамандарды жариялауға шақыру,
• автордың/авторлық ұжымның жынысына, ұлтына, дініне және басқа да жеке қасиеттеріне қарамастан қолжазбалардың зияткерлік мазмұнын бағалау.
• қолжазбамен байланысты авторлармен және ұйымдармен бәсекелестік, бірлескен және басқа да өзара іс-қимыл мен қарым-қатынас салдарынан қолжазбаларда кездесін мүдделер болған жағдайда қарастырмау.

 

 Бас редактор:

• техникалық талаптарға сәйкестігі бойынша бастапқы іріктеуден өткен әрбір келіп түскен мақала бойынша рецензенттерді (тиісті тақырып бойынша ғалымдар немесе мамандар) анықтайды,
• рецензенттердің пікірлері мен журналдың редакция алқасының отырысында ағымдағы нөмірдің мазмұнын анықтау бойынша материалды талқылау негізінде түскен материалды жариялау туралы түпкілікті шешім қабылдайды.

Редакция:

Журнал редакциясы мақала авторларымен тікелей жұмыс істейді және ғылыми зерттеу нәтижелерін жариялау бойынша авторларға қызмет көрсету агенттіктерімен жұмыс жүргізбейді.

Редакция авторлардың, редакторлар мен рецензенттердің этикалық емес мінез-құлқын анықтау кезінде қысқа мерзімде шешім қабылдауға міндетті. Авторлардың әдепке жат қылықтарына авторлар құрамын бұрмалау, жалған ғылыми мәтіндерді жариялау, оларды бұрмалау, дәйексөз келтірумен айла-шарғы жасау, заңсыз қарыз алу (плагиат), материалды басқа басылымдарға қатар беру жатады.

Қолжазбаны қарау немесе оны басып шығару алдында дайындау процесінде автордың(лардың) әдепке жат мінез-құлқы анықталған кезде редакция қолжазбаны одан әрі қараудан алып тастауға және автормен ынтымақтастықты тоқтатуға құқылы.Автордың әдепке жат мінез-құлқы оның мақаласы жарияланғаннан кейін анықталған жағдайда (қатар жариялау, авторлық құқықтарды бұзу, плагиат және т.б. фактілері анықталған) редакция автор (лар) дың әдепке жат мінез-құлқы туралы басқа журналдарды (мақала қатар жарияланған) хабардар ете отырып, журнал сайтынан да, сондай-ақ, мұрағаттау және ғылыми индекстеу базаларынан да мақаланы қайтару (алып тастау, кері қайтарып алу) туралы шешім қабылдауға құқылы. Редакция жарияланымға байланысты күрделі мәселелер (автордың әдепке жат мінез-құлқы, қателіктер және т.б.) анықталмаса, жарияланымды жою (ретрагациялау) туралы негізсіз шешімдер қабылдамауға міндетті.

Журнал рецензенттері мен редакторларының әдепке жат қылықтарына мақала мәтіндерін авторлардың келісімінсіз басқа журналдарға беру, авторлар материалдарын үшінші тұлғаларға беру, авторлық құқықтарды, редакциялық процестердің құпиялылығы қағидатын бұзу, сондай-ақ, авторлармен және қолжазбамен байланысты ұйымдармен бәсекелестік, бірлескен және басқа да өзара іс-қимылдар мен қатынастар салдарынан мүдделердің болуына байланысты материалдарды қолдау жатады.

Қарастырылған қолжазбаларға немесе жарияланған материалдарға қатысты шағымдар туындаған жағдайда редакция алқасы тиісті жауап шараларын қабылдауға міндетті: ең алдымен, мақала авторынан түсініктеме сұралады. Тергеу автордан қанағаттанарлықсыз жауап алған жағдайда ғана жүргізіледі.

Жоғарыда айтылмаған авторлардың, редакторлар мен рецензенттердің этикалық мінез-құлық нормаларын бұзудың ықтимал жағдайлары, оның ішінде жариялау этикасы жөніндегі комитеттің ғылыми жарияланымдар этикасы қағидаттары жөніндегі нұсқаулықтың (Committeeon Publication Ethics: COPE, promoting integrity in scholarly research and its publication / COPE: Committee on Publication Ethics) негізінде шешілетін болады.

Редакция бас редакторға, редакция алқасы мен редалқа мүшелеріне, рецензенттерге журналда жариялауға мүмкіндік береді, бірақ олар өз ережелерін қолдана алмайды. Барлық мақалалар, соның ішінде, арнайы басылымдардың жауапты редакторларының мақалалары да рецензиялау рәсімінен өтеді және журналдың редакция алқасының отырысында қарастырылады.

Жарияланған мақалаларда қателер (формулаларда, техникалық себептер бойынша көрсеткіштерде) анықталған жағдайда түзетулер туралы ақпарат келесі нөмірлерде орналастырылуы мүмкін.